Onnur tíðindi
Fleiri boð eru komin, bæði frá føroyingum og útlendingum, uppá fyrrverandi havrannsóknarskipið Magnus Heinason, sum síðani í mars mánaða hevur ligið við kaj í Vestmanna.
Eilif Gaard, stjóri á Havstovuni, upplýsir fyri VP, at bjóðað verður, men hann kann ikki siga nakað um, hvussu nógv verður bjóðað fyri skipið, ella um nakar minsti prísur er.
- Eg kann tó siga so mikið sum, at eg vænti, tað gongur ikki so long tíð, til Magnus er seldur, sigur Eilif Gaard.
Magnus Heinason er bygdur í 1978, men varð fyrr í ár avloystur av nýggja havrannsóknarskipinum Jákup Sverra.
Um tú veitst okkurt, sum VP ikki veit - skriva so til vp@vp.fo
