Gianna ella 'Gigi' Floyd er seks ára gomul og dóttir George Floyd sum í farnu viku at síggja til bleiv myrdur av løgregluni undir eini handtøku.
Í gjár stóð mamman, Roxie Washington, fram, og hevði dóttrina við sær, tá hon greiddi frá stóra missinum, sum dóttirin nú hevur verið fyri.
- Tað er ikki lætt hjá mær at finna orðini beint nú. Hetta er so órættvíst. Hvønn skal hon nú fara til eftir hjálp um hon fær brúk fyri tí? Pápin er stolin frá henni. Hann var ein góður maður, hóast tað sum nógv halda. Eg vil bara hava rættvísi, var nakað av tí sum hon bar fram, ímeðan dóttirin stóð hjá henni.
Mótmælisgongur og ógvusligur ófriður hava verið í nógvum býum í USA síðani hendingina tá George Floyd varð handtikin og so illa viðfarin av løgregluni, at hann doyði.
Um tú veitst okkurt, sum VP ikki veit - skriva so til vp@vp.fo