Mammuhjálpin: Mammuhjálpin er ein nýggjur hjálparfelagsskapur, ið er settur á stovn fyri at veita ráðgeving, hjálp og stuðul til barnakonur og familjur kring landið. Vit eru ein non-profit felagsskapur, ið er drivin av sjálvbodnum arbeiði.
Mammuhjálpin veitur bráðfangis ráðgeving til tey, ið umhugsa fosturtøku og har gerandisdagurin tykist trupul. Okkara telefonlinja er opin mánadag til hósdag kl 19-22. Umframt hetta eru vit eisini tøk á kjatt á www.mammuhjalpin.fo
Mammuhjálpin hevur eitt netverk av persónum, ið ynskja at vera stuðulspersónar hjá barnafamiljum og gera gerandisdagin lættari. Hetta kann t.d. verða hjálp við barnaansing, húsligt arbeiði o.s.fr. Vit hava eisini tilknýtni til ein sosialráðgeva, og eru tí før fyri at veita vegleiðing í almennum skipanum.
Okkara endamál er at virka fyri, at gerandisdagurin hjá tí føroysku barnafamiljuni verður lættari, og at ongin kvinna í Føroyum skal føla seg noydda at velja fosturtøku av vantandi hjálp.
Um tú veitst okkurt, sum VP ikki veit - skriva so til vp@vp.fo