Mánadagin verður fyrstu ferð síðani 1958, at Tjóðveldi fær ein tingmann í Vágum. Tað kundi verið tann 14. september, men nú verður tað so 21. september.
Í dag boðaði Magni Arge frá, at hann tekur farloyvi tann 21. september, og sostatt kemur Ingolf S. Olsen inn á ting fyri Magna Arge.
Ingolf S. Olsen er búsitandi í Sørvági, og fær Sørvágur nú tveir tingmenn.
Umframt Ingolf S. Olsen er talan um Jørgen Niclasen, formann í Fólkaflokkinum, og búgva teir báðir á somu gøtu í Sørvági - tó ikki á somu síðu.
Jógvan Skorheim. borgarstjóri í Klaksvík, bað longu tingið í dag um farloyvi. Næsti maður á listanum hjá Nýggjum Sjálvstýri er Bárður Kass Nielsen, og hann hevur longu tikið sæti á tingi.
Um tú veitst okkurt, sum VP ikki veit - skriva so til vp@vp.fo