Vinna
Felagið Navigare, við heimstaði í Runavík, hevði eitt gott ár í fjør.
Roknskapurin vísir eitt ársúrslit uppá 8,8 mió kr sum skal samanberast við 3 mió kr árið fyri.
Allar inntøkurnar stava frá úrsliti av kapitalpørtum í øðrum fyritøkum, har Frakt & Sandsølan fyllir mest. Navigare eigur 60% av Frakt & Sandsøluni sum hevði heilar 14,7 mió kr í vinningi í fjør samanborið við 5,1 mió kr árið fyri.
Navigare eigur eisini dóttirfeløg í Noregi sum spjaða til samlaða úrslitið.
Fíggjarstøðan hjá Navigare javnvigaði við 21 mió kr á nýggjárinum og tað var alt eginogn.
Álvur Højgaard er stjóri.
Um tú veitst okkurt, sum VP ikki veit - skriva so til vp@vp.fo
