Ein lítil meiriluti vil ikki hava nýggja fólkaatkvøðu um loysing ímillum Skotland og United Kingdom, UK. Tað skrivar The Times í dag. 44% siga seg ikki vilja hava nýggja fólkaatkvøðu, ímeðan 43% siga, at tey vilja hava nýggja fólkaatkvøðu. Kanningin vísir eisini, at um ein fólkaatkvøða verður, so er ein lítil meiriluti, 48%, fyri loysingini, ímeðan 47% vilja varðveita sambandið.
Fólkaatkvøða var í Skotlandi um spurningin í 2014, men tá var greiður meiriluti ímóti loysing. Síðani er støðan tó broytt, meina tey í Scotish National Party, SNP, tí fólkaatkvøðan var áðrenn Brexit, og í Skotland vildi ein meiriluti ikki fara úr ES.
Boris Johnson, foræstisráðharri í Bretlandi, hevur sagt, at skotar hava avgjørt spurningin í 2014, og skulu ikki hava nýggja fólkaatkvøðu. Men tað kann bretski hægstirættur tó broyta.
Um tú veitst okkurt, sum VP ikki veit - skriva so til vp@vp.fo