Hóskvøldið skal Runavíkar býráð viðgera eina umsókn frá skipasmiðjuni Mest um loyvi at sleppa at byggja nýggja turrdokk á Skála. Tað skrivar Kringvarpið.
Mest hevur havt ætlanir um at byggja turrdokk á Tjørnunesi, men tann ætlanin tykist slept.
Upprunaliga ætlanin frá 2017 um innilokan av verandi dokk kravdi broytingar í býarplanini og byggisamtykt, tí talan skuldi vera um ein bygning, sum bleiv 50 metrar høgur. Á skránni fyri býráðsfundin hóskvøldið er eisini broyting av býarplani við Mest á Skála.
Mouritz Mohr, stjóri í Mest, hevur ikki viljað gjørt viðmerkingar, sigur Kvf.
Um tú veitst okkurt, sum VP ikki veit - skriva so til vp@vp.fo