Tað lógu 2,2 milliónir krónur eftir til eigararnar av smápartafelagnum Hjálpirót tá hvør hevði fingið sítt, eisini almennu kassarnir, sum kundu heysta hálva millión í partafelagsskatti av yvirskotinum.
Úrslitið skal síggjast í mun til 'einans' 852 túsund krónur árið fyri og annars eitt miðalúrslit uppá 320 tkr seinastu 17 árini sum yvirlitið hjá Vinnuvitan vísir. Tá er metárið í fjør íroknað.
Eisini bruttovinningurin er nógv øktur seinastu árini. Hann var 10,7 mió kr í fjør í mun til smáar 8 mió kr árið fyri og ein miðalbruttovinning uppá 4,3 mió kr fyri øll árini.
Lønarútgjaldingarnar vóru 7,3 mió kr í fjør.
Felagið er væl fyri við eini fíggjarstøðu uppá 12 mió kr og eini eginogn uppá 5,7 mió kr.
Høvuðsvirksemi felagsins er at reka ráðgevandi tænastuveiting, urtagarðsvirksemi, entreprenørvirksemi og annað virksemi í hesum sambandi.
Sjúrður Richard Samuelsen Jacobæus er stjóri í smápartafelagnum Hjálpirót.
Um tú veitst okkurt, sum VP ikki veit - skriva so til vp@vp.fo