Onnur tíðindi
100 milliónir dollarar, sum kurvabólts úrmælingurin Michael Jordan og klædnaframleiðarin Nike næstu 10 árini fara at lata, skulu brúkast til stríðið ímóti rasuskilnaði í USA.
Tað verður boðað frá á heimasíðuni hjá Nike.
Upphæddin, sum í okkara pengum svarar til einar 660 milliónir, skal brúkast til at tryggja størri sosialt rættvísi og betri atgongd til útbúgvingar, stendur í fráboðanini.
Tiltakið kemur í kjalarvørrinum av nógva ófriðinum sum hevur verið í USA síðani afroamerikanarin George Floyd eftir øllum at døma doyði av harðskapi sum politiið framdi ímóti honum tá hann skuldi handtakast.
Um tú veitst okkurt, sum VP ikki veit - skriva so til vp@vp.fo
