Frá næsta mánadegi at rokna skulu nærum 40.000 starvsfólk hjá Region Hovedstaden í Danmark vísa galdandi koronapass tá tey møta til arbeiðis.
Annars verða tey send heimaftur uttan løn.
Arbeiðsgevarin hevur sent øllum starvsfólkunum ein teldupost við boðunum, og lokalmiðilin TV2 Lorry hevur sæð teldupostin. Seta starvsfólk seg ímóti, kann tað í síðsta enda kosta teimum starvið.
Tað eru tríggir mátar at fáa eitt koronapass: Koppseting, tá er passið galdandi eitt ár frá øðrum priki. Smitta gevur hálvt ár í passið og eisini ber til at lata seg kanna og soleiðis fáa antin 72 ella 48 tímar í passið, alt eftir hvat slag av test, talan er um.
Um tú veitst okkurt, sum VP ikki veit - skriva so til vp@vp.fo
