Tað verður ongin løtt uppgáva hjá donsku stjørnini at orða eina nýggja strategi, sum allir partar kenna seg aftur í, áðrenn árið er runnið. Verandi strategi gongur út á nýggjárinum, og arbeiðið at finna felags stev ímillum Danmark, Grønland og Føroyar gongur strilti, skrivar Altinget í greining.
Uppleggið hjá Danmark er, at Føroyar og Grønland skulu góðtaka nakrar avmarkingar, sum verða ásettar í Keypmannahavn. Eitt nú avmarkingar fyri, hvørji lond kunnu gera íløgur í ríkisfelagsskapinum. Men tað fellur ikki í góða jørð hjá Føroyum og Grønlandi.
- Fyrsti veruligi dysturin, sum má takast, er, um Føroyar fara at góðtaka ætlanina hjá Mette Frederiksen, forsætisráðharra, at íløgur í sonevndan kritiskan infrastruktur framyvir skulu síggjast sum eitt mál um trygdarpolitik.
Um tú veitst okkurt, sum VP ikki veit - skriva so til vp@vp.fo