Jenis av Rana, mentamálaráðharri, hevur nú lagt uppskot fram um broyting í løgtingslóg um miðlastuðul sum nú eitur Verkætlanarstuðul.
- Lógaruppskotið leggur upp til, at miðlastuðulin verður býttur eftir nýggjum leisti. Farið verður frá, at miðlarnir søkja stuðul við útgangsstøði í lønarútreiðslunum, til at søkt verður við útgangsstøði í ítøkiligari verkætlan.
Landsstýrismaðurin metir ikki, at verandi skipan fremur størri dygd í miðlunum, og at miðlalandslagið sum heild er vorðið betur fyri.
- Tí verður lagt upp fyri at fara yvir til verkætlanarstuðul, har dygdargóðar journalistiskar verkætlanir fáa lut í stuðlinum, sigur Jenis av Rana.
Um tú veitst okkurt, sum VP ikki veit - skriva so til vp@vp.fo