Onnur tíðindi
Fleiri migrantar, sum vilja sleppa til USA, hava seymað varrarnar saman fyri at vísa sína misnøgd. Eitt lítið hol er, so tey fáa drukkið.
Migrantarnir koma úr londum í Mið- og Suðuramerika og ætla sær til USA, men eru strandaðir har suðri í Meksiko, tí meksikansku myndugleikarnir vilja ikki loyva teimum at ferðast gjøgnum landið.
- Vit vóna, tey síggja, at tað bløðir, og at vit eru verulig menniskju, sigur ein teirra við miðlar á staðnum.
Talið á migrantum vaks 87% í fjør. Í býnum Tapachula, har tey flestu eru, koma yvir 100 afturat hvønn dag.
Um tú veitst okkurt, sum VP ikki veit - skriva so til vp@vp.fo
