Í samstarvi við SEV skal svenska fyritøkan Minesto útvinna ravmagn úr sjóvarfalsorkuni í Vestmannasundi, og í tí sambandi eru royndir gjørdar at seta út ein sonevndan sjóvarfalsdreka í Vestmannasundi.
Fyrstu ætlanirnar, sum vórðu gjørdar í summar, miseydnaðust, tí drekin var ikki nóg væl tjóðraður í botn.
Ymsar ábøtur eru gjørdar, og nú er drekin komin aftur á havnarlagið í Vestmanna at standa, saman við aðrari útgerð. Helst verður roynt at seta hann út næsta vikuskifti, tá streymurin er góður.
Um tú veitst okkurt, sum VP ikki veit - skriva so til vp@vp.fo