Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Minningarorð

Í farnu viku andaðist Arne Poulsen 74 ára gamal. Vit í Føroya Arbeiðsgevarafelag minnast Arna við takksemi.

Arne Poulsen varð í 1984 settur í starv sum skrivstovustjóri hjá Føroya Arbeiðsgevarafelag. Arne var samstundis skrivari hjá Føroya Reiðarafelag og øðrum arbeiðsgevara- og vinnugreinafeløgum, sum Føroya Arbeiðsgevarafelag røkti umsitingina fyri.

Arne var útbúgvin kemiverkfrøðingur í 1970 og starvaðist eitt skifti sum menningarleiðari hjá Tulip í Vejle, til hann flutti aftur til Føroya og tók við starvi sum virkisleiðari á Bacalao. Á Bacalao starvaðist Arne til 1983, tá hann eitt stutt skifti avloysti á Heilsufrøðiligu Starvsstovuni. Sum skrivstovustjóri hjá Føroya Arbeiðsgevarafelag menti Arne skrivstovuna og tænasturnar hjá feløgunum og tilboðini til limirnar í feløgunum gjørdis størri og betri. Arne legði sostatt lunnar undir tað virksemið, sum vit kenna frá Vinnuhúsinum í dag.

Í 1997 varð Arne Poulsen settur í starv sum aðalstjóri í Vinnumálaráðnum. Eitt starv, sum hann røkti í mong ár. Kunnleikin til arbeiðsmarknaðin og vinnuviðurskifti vóru holl og viðvirkandi til góða samstarvið millum politisku skipanina og vinnuna, árini Arne var í Vinnumálaráðnum. Tey árini Arne var aðalstjóri, vórðu stór stig tikin at skipa greiðar og góðar karmar kring føroyskt vinnulív, til gagns fyri alt samfelagið, og Arne átti sín stóra lut í hesum arbeiði.

Arne var ein maður, sum setti spor. Vit minnast hann sum ein mann við stillførum lindi, gjølligum eygleiðingum og evnum at skera ígjøgnum.

Nevndin í Føroya Arbeiðsgevarafelag vil nýta høvið til at vísa familjuni samkenslu og at takka Arna Poulsen fyri hansara íkast til felagsarbeiðið í arbeiðsgevarafelagnum.

Takk fyri.

Um tú veitst okkurt, sum VP ikki veit - skriva so til vp@vp.fo