Minst ein persónur er deyður og 13 persónar særdir eftir skjóting í einum matvøruhandli uttanfyri Memphis í USA.
Støðan hjá teimum særdu er ikki kend, sambært lokalu sjónvarpsrásini Fox Memphis.
Politisjefurin í Collierville, Dane Lane, sigur at løgreglan leitaði eftir fólkum í handlinum sum høvdu fjalt seg.
Tá var eisini gerningsmaðurin funnin deyður, helst eftir at hava skotið seg sjálvan, sambært Lane.
– Vit funnu fólk sum høvdu fjalt seg í frystarum og stongdum skrivstovum, sigur Lane.
Skjótingin var í handlinum Kroger í býnum Collierville uttanfyri Memphis.
Løgreglan er vælmannað á staðnum, skrivar NRK.
Um tú veitst okkurt, sum VP ikki veit - skriva so til vp@vp.fo