Ólukkan hendi síðstu nátt, tá bussurin var á veg úr Istanbul í Turkalandi til Skopje í Norðurmakedonia. Bæði londini hava mørk við Bulgaria.
Fólkini høvdu verið og ferðast í Istanbul og vóru á veg heimaftur tá ólukkan hendi, einar 45 kilometrar frá bulgarska høvuðsstaðnum, Sofia.
Tilsamans 53 fólk vóru við bussinum, einans 7 kláraðu at bjarga sær úr brennandi bussinum, og eru nú koyrd á sjúkrahús í Sofia við brandsárum.
Forsætisráðharrin í Norðurmakedonia, Zoran Zaev, váttar sorgarleikin og sigur, at tey enn ikki vita, hví eldur kom í.
Um tú veitst okkurt, sum VP ikki veit - skriva so til vp@vp.fo