Tvey fólk eru funnin deyð og møguliga eru fleiri afturat sum eru meidd ella deyð eftir at eina snjóskriðu ella skalvalop á Sofiatinden nærhendis Lyngen í Troms har norðuri í Noregi.
Tíðindini um skalvin bórust seinnapartin frá eygnavitnum, og stór bjargingarlið hava arbeitt av øllum alvi síðani fyri at finna fólk sum kunnu liggja grivin í kavanum.
- Hetta er ein sera álvarslig hending. Tíverri, má eg siga, hava vit fleiri royndir at taka okkum av slíkum, segði borgarstjórin í Troms, Dan-Håvard Johnsen við VG.
Nógv fólk ganga og standa á skí á leiðini har skalvurin leyp. Gott veður er á staðnum.
Um tú veitst okkurt, sum VP ikki veit - skriva so til vp@vp.fo