Norski mirakelpredikanturin og evangelisturin Svein-Magne Pedersen, leiðari í Misjonen Jesus Leger, leggur eftir koronavaksinunum.
Pedersen kallar millum annað vaksinurnar fyri «gift», og breiður út konspirasjónsteoriir um at vaksinan gevur niðursettan fertilitet. Hetta sigur hann er dagskráin hjá millum annað Microsoft-stovnaranum Bill Gates.
«Um tú ynskir at liva, halt teg so langt burt frá sproytuni», skrivar prædikumaðurin millum annað á Facebook, sum kristna dagsavísin Dagen fyrst umtalaði.
Skeivu og konspiratorisku úttalilsini um koronavaksinuna hjá mirakkulevangelistinum Svein-Magne Pedersen, fáa David Åleskjær, sonur evangelistin Åge Åleskjær, til at svara aftur.
Åleskjær gjørdist deyðasjúkur av covid-19. Hann var smittaður í mars, men bíðaði leingi við at søkja sær læknahjálp. Tá ið hann so fór til læknan, var hann lagdur inn á sjúkrahús beinanvegin. Har var staðfest at hann hevði blóðtøpp í báðum lungunum.
Um tú veitst okkurt, sum VP ikki veit - skriva so til vp@vp.fo
