Fleiri kanningar hava víst at Moderna-vaksinan er effektivari móti deltavariantinum av koronavirusinum enn Pfizer/Biontech-vaksinan.
Kannaðir vóru 50.000 sjúklingar á Mayo-klinikkini í New York og vísti úrslitið at effektiviteturin hjá Moderna-vaksinuni móti at smittast við deltavariantinum var 76 prosent í juli. Fyrst í hesum árinum var vaksinan 86 prosent effektiv móti virusvariantinum sum herjaði tá.
Effektiviteturin hjá Pfizer/Biontech-vaksinuni fall somu tíð frá 76 prosentum til 42 prosent, visur kanningin, skrivar NRK.
Báðar vaksinurnar hindra álvarsamari sjúku og innlegging av teimum sum smittast, men niðurstøðan í Mayo-kanningini er at neyðugt kann gerast við einum eyka priki við Moderna-vaksinuni hjá teimum sum eru liðugt vaksinerað.
Um tú veitst okkurt, sum VP ikki veit - skriva so til vp@vp.fo