Ein konservativur radiovertur í USA som brúkti sítt program móti koronavaksinum, er deyður av koronu.
Marc Bernier doyði leygardagin, 65 ára gamal, tríggjar vikur eftir at hann var smittaður, sambært útvarpsstøðini WNDB í Florida, skrivar The Guardian.
Bernier var programleiðari á fleiri útvarpsprogrammum í Daytona Beach í 30 ár og kallaði seg errin Mr. Anti-Vax. Hann skuldsetti myndugleikarnar í USA at uppføra seg sum nazistar við at krevja koppseting.
Bernier er tann triði konservativi programmleiðarin sum doyr av koronavirusinum í USA í ein mánaða.
Um tú veitst okkurt, sum VP ikki veit - skriva so til vp@vp.fo