Tað var stúgvandi fult av fólki í býnum í Havn síðstu nátt, og í fleiri førum máttu boð sendast eftir politinum, tí fólk dugdu sær ikki hógv, men lótu nevarnar tala.
Hjá einum manni bleiv tað til heili tvey harðskapsmál áðrenn politiið fekk hendur á honum og setti hann í brummuna at sova rúsin av sær. Hann kann vænta sær eitt eftirspæl sum fer at síggjast aftur á revsiváttanini.
Annars var eisini nógv fólk í býnum aðrastaðni í landinum, eitt nú í Vestmanna, har árliga tiltakið 'Vestmannadagar' hevur verið seinastu vikuna. Stór uttandura rokkkonsert varð hildin, og har vóru nógv fólk, men alt gekk hampuliga fyri seg.
Um tú veitst okkurt, sum VP ikki veit - skriva so til vp@vp.fo