Í gjár vóru níggju nýggir tilburðir staðfestir, vísa nýggjastu tølini hjá landslæknanum.
Øll eru smittaðir í Føroyum av kendum smittukeldum.
729 kanningar vóru gjørdar seinasta døgnið. Í løtuni eru 92 smittað í Føroyum.
Mikudagin og hósdagin vórðu tilsamans 256 fólk koppsett fyri koronu. 115 fólk fingu fyrra prikið og 96 fingu tað seinna. 45 fólk fingu triðja prikið.
Nú hava 38.890 fólk fingið fyrru koppsetingina. 36.977 fólk hava fingið seinnu koppsetingina, og eru liðugt koppsett. Nú hava 159 fólk fingið trý prik.
Tilsamans 76.026 koronukoppsetingar eru gjørdar í Føroyum.
Um tú veitst okkurt, sum VP ikki veit - skriva so til vp@vp.fo