Tórshavnar kommuna: Øll Nólsoyggin verður vetrarfriðað í ár. Málið er sera gamalt, arbeiðið byrjaði í 2005. Tað var fyri í býráðnum fyri trimum árum síðan, tá peningur varð avsettur til endamálið, og eftir drúgva viðgerð er málið nú avgreitt og loyst, eftir at sáttmálin varð undirskrivaður á borgarfundi í Nólsoy.
Seyðurin er farin av bønum og nú verður stikað og rulluportur sett í og nakað verður hegnað aftrat. So er Nólsoyggin fullkomiliga vetrarfriðað. Jákup Dam, formaður í teknisku nevnd, hevur arbeitt við málinum, og tað vóru Annika Olsen, borgarstjóri, og Bjørgfríð Ludvik, kommunustjóri, sum undirskrivaðu sáttmálan vegna kommununa.
Um tú veitst okkurt, sum VP ikki veit - skriva so til vp@vp.fo
