Norðurkorea hevur eftir øllum at døma royndarskotið enn eina rakett, upplýsir herurin í Suðurkorea.
Hetta er onnur rakettin eftir bara fýra døgum, og hon varð skotin frá einum kavbáti, verður upplýst.
Mikudagin skeyt Norðurkorea eina rakett, sum fleyg 470 kilometrar. USA sigur, at Norðurkorea í næstu fer at royndarskjóta eina kjarnorkuløðing. Tað hevur landið ikki gjørt síðani 2017.
Suðurkorea fær í vikuni sum kemur nýggjan forseta. Tað er Yoon Suk-yeol, og hann hevur sagt, at hann fer at ætlar at fara harðari fram enn undanmaðurin í ósemjuni sum er landanna ímillum.
Um tú veitst okkurt, sum VP ikki veit - skriva so til vp@vp.fo