Onnur tíðindi
Norðurkorea hevur skotið fleiri langtberandi rakettir um vikuskiftið.
Rakettirnar flugu í minst 1500 kilometrar og raktu síðani málið.
Tað hevur verið kaldligt ímillum Suðurkorea og onnur grannalond hjá Norðurkorea umframt USA øðrumegin og Norðurkorea hinumegin, síðani tingingarnar slitnaðu í 2019.
Norðurkorea er rakt av umfatandi tiltøkum, harímillum handilsstongsli, men vil ikki koma til samráðingarborðið, um so er, at treytin er, at landið skal gevast at menna kjarnorku.
- Norðurkorea er framvegis ein hóttan ímóti grannalondunum, segði Pentagon í eini viðmerking eftir royndarskjótingarnar um vikuskiftið.
Um tú veitst okkurt, sum VP ikki veit - skriva so til vp@vp.fo
