Noreg metur seg eisini at hava tamarhald á koronastøðuni - um tvær vikur lata barnagarðarnir upp aftur sum teir fyrstu.
Tí boðaði norski forsætisráðharrin Erna Solberg frá á einum tíðindafundi fyri løtu síðani.
Barnagarðarnir byrja aftur eftir páskir, mánadagin tann 20. apríl. Eina viku seinni koma so yngru skúlaflokkarnir (frá 1. til 4. flokk) og so skúlafrítíðarskipanin.
- Tað eru nú gingnir 26 dagar síðani vit broyttu okkara livihátt og hesa tíðina hava vit kravt nógv hvør av øðrum. Nú síggja vit at tiltøkini til tess at avmarka smittuna virka, segði Erna Solberg sambært TV 2.
Um tú veitst okkurt, sum VP ikki veit - skriva so til vp@vp.fo