Norskir heilsumyndugleikar ávara nú um eina møguliga smittubumbu, um núverandi gongdin ikki verður bremsað.
Í eini nýggjari meting verður sagt, at dagliga smittutalið kann koma heilt upp á 300.000 um fáar vikur.
- Omikron frábrigdið fer longu í desember at elva til stórt tal av sjúkum, nógvar innleggingar, eitt ovbyrjað sjúkrahúsverk og nógva sjúkrafráveru, sum aftur fer at leggja stórt trýst á alt samfelagið, siga myndugleikarnir, sambært ritzau.
Um verandi gongd heldur fram, so kann talið á nýggjum smittaðum um tríggjar vikur vera millum 90.000 og 300.000 um dagin og talið á nýggjum innleggingum vera millum 50 og 200 um dagin.
Í gjár vóru 358 fólk innløgd við koronu á sjúkrahús í Noregi. Tað er størsta talið síðani koronafarsóttin fór at ganga.
Um tú veitst okkurt, sum VP ikki veit - skriva so til vp@vp.fo
