Ein norsk kanning av útvið 2700 fólkum, sum hava verið koronasmittað, vísir at yvir 60 prosent høvdu fingið seinárin av sjúkuni.
Mest vanligu symptomini eru trupulleikar at hugsavna seg, troyttheit, gloymska og broyttur lukti- og smakkisansur.
- Men tað sum er mest ørkymlandi er, at fleiri ung vaksin millum 16 og 30 ár hava andingartrupulleikar og minnisloysi, sigur Rebecca Cox frá Universitetinum í Bergen við norska miðilin TV 2.
Kanningin í Bergen vísir eisini, at tað eru serliga kvinnurnar sum stríðast við seinárin.
Um tú veitst okkurt, sum VP ikki veit - skriva so til vp@vp.fo