Tað var á einum jólaborðhaldi fyri júst einari viku síðani at stóra smittan fór fram. Nøkur av starvsfólkunum høvdu verið arbeiðsørindi í Suðurafrika, og fóru beint heimafturkomin til jólaborðhald saman við hinum.
Útivið 100 fólk eru gjøgnum vikuna testað positiv, og fleiri teirra eru aðrir gestir, sum vóru til staðar á matstovuni, har borðhaldið varð hildið.
Hjá fleiri er síðani staðfest, at talan er um nýggja Omikron frábrigdið, sum smittar nógv verri enn nakað annað frábrigdi.
Talan er um ein av størstu tilburðum við smittu uttanfyri Suðurafrika, verður sagt.
Um tú veitst okkurt, sum VP ikki veit - skriva so til vp@vp.fo