Myndir frá einum fundi ímillum russiska forsetan, Vladimir Putin og verjumálaráðharran Sergei Shoigu skulu avdúka, at Putin kanska er álvarsliga sjúkur.
Fleiri miðlar hava bitið merki í myndirnar og kroppsmálið hjá russiska forsetanum, og serfrøðingarnir halda, at okkurt er broytt umenn teir ikki duga at siga við vissu, hvat tað er. Tað kann vera álvarslig sjúka, sigur onkur.
Ein teirra er norski Vidar Hansen sum er fyrrverandi løgreglumaður og í dag er serfrøðingur í kropsmáli.
- Hann sær út til at vera klænri og meira ósunnur og kanska fjálturstungin, sigur hann millum annað.
Norski serfrøðingurin heldur, tað er trupult at siga, júst hvat kann vera orsøkin, men hann heldur, at ein frágreiðing er, at Vladimir Putin er undir stórum trýsti, tí tað hevur ikki bara gingið eftir ætlan í krígnum í Ukraina.
Um tú veitst okkurt, sum VP ikki veit - skriva so til vp@vp.fo