Norska avísin VG hevur kannað neyðhjálpararbeiði hjá 70 ára gamla prædikumanninum úr Vennesla, Svein-Magne Pedersen.
Frá trúgvandi norðmonnum og -konum hevur hann savnað pening inn til 2000 hungradi børn á 24 barnaheimum í India. Neyðhjálpararbeiði er tað bera snýt, sigur VG í dokumentasjón í dag.
Svein-Magne hevur verið prædikumaður í fleri londum, millum annað millum indianarar í Kanada.
Eins og aðrir prædikumenn úr bíbliubeltinum í Noregi er hann kendur fyri at savna nógvan pening fyri ivasamar tænastur.
Í juni í ár kundi sama avís avdúka, at Svein-Magne tók 14 krónur um minuttin fyri telefontænastur, har hann grøddi fólk fyri aids og krabba.
Tá mælti læknin og professarin í sosialmedisini, Steinar Westin, til, at lógin um kvaksalvarí varð sett í gildi aftur í Noregi.
Um tú veitst okkurt, sum VP ikki veit - skriva so til vp@vp.fo