Tað er framvegis ongin koronasmitta í Føroyum.
Hesum boðar Heilsumálaráðið frá við støði í tølunum hjá Landslæknanum.
318 kanningar vórðu gjørdar seinasta døgnið, og allar eru liðugt greinaðar. Tilsamans eru gjørdar 233.152 kanningar. 658 persónar hava fingið staðfest smittuna í Føroyum. 657 persónar eru staðfestir frískir aftur. Higartil er ein persónur deyður við koronu í Føroyum. Í løtuni er eingin smittaður í Føroyum.
Verður hugt at koppsetingum, so eru nú 3.312 føroyingar endaliga koppsettir. Tað er 6,3% av fólkatalinum. 4.251 fólk, ella 8% av fólkatalinum, hava fingið fyrra prikið.
Um tú veitst okkurt, sum VP ikki veit - skriva so til vp@vp.fo