Nú fáa tey 5-11 ára gomlu børnini í Føroyum eisini tilboð um koppseting.
Hesum boðar Heilsumálaráðið frá, og tað verða kommunulæknarnir, sum fara at taka sær av at koppseta børnini.
Í august fingu tey ungu í aldrinum 12-15 ár eisini tilboð um ókeypis koppseting, og her hava longu 73 prosent fingið fyrsta prikið og 64 prosent annað prikið.
Heilsumálaráðið sigur, at hóast børnini sjáldan gerast álvarsliga sjúk av koronu, er vandi fyri, at tey verða hart rakt av sosialt avmarkandi inntrivum at steðga smittuútbreiðsluni, verða tey ikki koppsett.
Um tú veitst okkurt, sum VP ikki veit - skriva so til vp@vp.fo