Hesa vetrarhálvuna hevur Filmsfelagið víst nýggjar listaliga áhugaverdar filmar hvørt mikukvøld. Í kvøld verður seinasti filmur fyri jólasteðgin sýndur. Tað er hin íslendski ”Hvítur, hvítur dagur”, sum Hlynur Pálmason hevur leikstjórnað. Íslendski leikstjórin varð gestadómari tá Geytakappingin var hildin í Norðurlandahúsinum í fjør.
Eftir jólaferiuna byrjar Filmsfelagið aftur hin 8. januar í 2020. Tá sýnir felagið nýggja heimildarfilmin ”Words of Love”, sum er um kanadiska sangaran Leonard Cohen og hansara samband við norsku Marianne Ihlen. Í báðum førum er bert ein sýning. Alt bendir longu á, at úselt verður til fyrsta filmin í nýggja árinum.
Um tú veitst okkurt, sum VP ikki veit - skriva so til vp@vp.fo