Kringvarpið: Sambært landsstýrismanninum skal yvirtøkan av loftrúminum fremjast í tveimum stigum. Tann fyrsta stigið er umsitingin av beinleiðis flogferðslu á Føroyar. Tað er henda partin, sum landsstýrið nú fer at leggja lunnar undir.
Hin parturin er umsiting og eftirlit við loftferðslu, sum fer yvir Føroyar - og tað verður yvirtikið seinni.
Flogfør rinda eitt ávíst gjald fyri at koma í og fara úr ymiskum loftrúmum og eisini fáa myndigleikarnir pengar fyri tilbúgving, og á tann hátt fíggjar yvirtøkan seg sjálv.
Føroyar fáa tó ment nakrar førleikar og sleppa undan at rinda øðrum fyri arbeiði, ið vit sjálvi kunnu gera, sigur Poul Michelsen.
Um tú veitst okkurt, sum VP ikki veit - skriva so til vp@vp.fo