Helgi Abrahamsen hevur lýst í kunngerð í dag, at nú skulu matstovur og skeinkingarstøð fevnd av virkisøkinum í matstovulógini, steingja í seinasta lagi kl. 23.
Kunngerðin er soljóðandi:
Kunngerð um avmarkaðar upplatingartíðir og afturlatingartíðir fyri at forða fyri COVID 19-smittuspjaðing
Við heimild í § 18, stk. 2 í løgtingslóg nr. 183 frá 21. desember 2018 um matstovuvirksemi og gistingarhúsvirksemi (Matstovulógin) verður ásett:
§ 1. Fyri at forða fyri COVID 19-smittuspjaðing skulu matstovur og skeinkingarstøð, fevnd av virkisøkinum í matstovulógini, steingja í seinasta lagi kl. 23:00.
§ 2. Henda kunngerð kemur í gildi 7. august 2020 og fer úr gildi 31. august 2020.
Um tú veitst okkurt, sum VP ikki veit - skriva so til vp@vp.fo