Tað er Matt Dillon sum hevur høvuðsleiklutin sum hópdrápsmaður í nýggja filminum hjá Lars von Trier, "The House That Jack Built".

Hóast fólk helst høvdu ein varhuga av, hvat tað var tey skuldu síggja, so bleiv tað bara alt ov nógv av tí góða hjá eini 200 sum rýmdu frá gallasýningini av filminum, har leikstjórin eisini sjálvur var til staðar, skrivar útsendi journalisturin hjá Jyllandspostinum, Michael Enggaard.

- Har var bara for nógv blóð og fólk flentu allíkavæl. Eg vil so ikki sita har meira, segði ein.

- Mítt mark er nátt. Hetta er ein spæl hjá honum, sum eg ikki vil vera við í. Trier gjørdi einaferð filmar sum vóru meistaraverk, men hatta er bullshit, segði ein annar, sum heldur ikki vil leggja navn til.

Pláss er til 2.300 fólk í biografinum í Grand Theatre Lumiere, so sjálvt um eini 200 rýmdu sótu nógv eftir og sóu allan filmin, skrivar korrespondenturin hjá Jyllandspostinum, sum eisini royndi at fáa viðmerkingar frá fleiri kendum filmsfólkum sum rýmdu men bóru seg undan at tosa við blaðmannin.