So kom aftur eitt úttalilsi frá landsfundi javnaðarfloksins, at hann vil ikki í samarbeiði við Fólkaflokkin.

Vit onnur kunnu lurta og meta um niðurstøðuna. Hetta er hoyrt fyrr, men hvussu nógv innihald er í hesum?

Javnaðarfólk velja Javnaðarflokkin, meðan fókafloksfólk velja Fólkaflokkin, men hvussu nógv skilir hesi fólk? 

Vit liva øll her, eru góð við okkara land, hava í høvuðsheitinum somu áhugamál, so hvat skilir okkum?

Eg havi í síni tíð verið í politikki- saman við javnaðarflokkinum í samgongu, ið riggaði væl. Fingu nógv gagnlig mál framd. Hví kundi tað lata seg gera tá, men ikki nú?

Í samgonguskjali vórðu avtalur gjørdar. Í onkrum førum segði javnaðarflokkurin, at soleiðis skal tað vera, meðan í øðrum føri segði fólkaflokkurin, at soleiðis skal tað vera!

Og samarbeiði fór í gongd! Og royndist væl!

Hvør er meðni trupulleikin í dag?

Mín støða er greið :

"Javnaðarflokkurin eigur ongan leiðara á hædd við Atla Dam"!

Eyðun Mohr Viderø
‎29.‎08.‎2021