Nýggj gransking sum Noreg, USA og Stórabretland hava samstarvað um bendir á, at høg fólk verða lættari smittað við korona virusi enn lág fólk. Ítøkiliga tvífaldast vandin fyri smittu um hæddin er meira enn 182 cm, skrivar lærdi háskúlin í Agder í einum tíðindaskrivi.
Kanningarnar snúðu seg eisini um at greina vandan fyri smittu, alt eftir inntøku, útbúgving, um tú ert nógv uttandura, um tú brúkar køkin saman við fleiri øðrum og hvussu tú reint likaliga sært út.
Granskararnir halda, at orsøkin til at samband er ímillum hædd og smittuvanda kann vera, at koronavirusið er luftborið og kann smittað ígjøgnum sonevndar aerosolir, sum eru elasmáir dropar sum hanga í luftini í langa tíð.
Kanningarnar fevndu um 2.000 fólk í USA og Stórabretlandi, og sambært granskarunum kann úrslitið vera ein ábending um týdningin av góðum inniklima, ventilatión, og at bera munnbind.
Tað eru tó ikki allir granskarar sum halda, at korona virusið er luftborið í serliga stóran mun. Fleiri hava víst á, at besta verjan er frástøða og hondreinføri, og tað hevði ikki hjálpt so munagott um smittan var luftborin.
Um tú veitst okkurt, sum VP ikki veit - skriva so til vp@vp.fo