Tórshavnar kommuna: Á aðru hædd á Býarbókasavninum verða eini høli nú gjørd í stand til eina ungdómsdeild. Her fer ungdómurin at kunna leita sær á gátt bæði fyri at læna bøkur – umframt at eitt tilhald verður til tey ungu.
Settar eru 700.000 kr av til at gera umrødda øki á aðru hædd til ungdómsdeild. Harumframt verður eisini keypt nýtt innbúgv.
Hetta samtykti býráðið á býráðsfundi í gjárkvøldið sum ein part av virksemispakkanum til vinnuna, nú koronafarsóttin herjar.
Um tú veitst okkurt, sum VP ikki veit - skriva so til vp@vp.fo