Kvinnur, sum royna at gerast javnmettar við menn, mangla ambisjónir
- Timothy Leary

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Onnur tíðindi

Tórshavnar kommuna: Arbeitt hevur hesi seinastu árini við ætlanum um bygging av nýggjum røktarheimi við atknýttum røktaríbúðum í høvuðsstaðarøkinum. Staðsetingin hevur verið eitt ivamál og fleiri uppskot hava verið frammi, men tíðliga í ár varð mælt til at byggja nýggja røktarheimið og røktaríbúðirnar við Stórutjørn.

Høvuðsstaðurin er vaksin nógv og torført er at finna so stór øki til endamálið. Neyðugt hevur tí verið at hyggja at útjaðaranum á býnum, sum er partur av nýggju býarvakstrarøkjunum. Økið við Stórutjørn í Hoyvík er sambært kommunuætlanini fyrsta býarvakstrarøkið, sum skal skipast til nýggjan býling í Havn, og tí vælegnað til endamálið.

Arkitektakapping var í vár um skipan av Stórutjørn, og prosjekteringin verður sett í verk, so skjótt sum játtan er tøk. Í hesum sambandi verður mælt til at seta eitt hóskandi øki av til nýtt røktarheim við røktaríbúðum. Tørvur er á einum øki uppá einar 20.000 fermetrar.

Arbeiðið at gera byggiskránna er farið í gongd. Talan verður um eitt stásiligt heim við 64 plássum, umframt 16 atknýttum íbúðum til einstaklingar ella pør. Fýra miljónir eru settar av í 2021 til prosjekteringina.

Byggi- og býarskipanarnevndin, eldranevndin og fíggjarnevndin taka øll undir við at staðseta nýtt røktarheim við røktaríbúðum við Stórutjørn, og at bygginevndin arbeiðir víðari við at nágreina tørvin. Málið kemur fyri á býráðsfundi hóskvøldið.

Um tú veitst okkurt, sum VP ikki veit - skriva so til vp@vp.fo