Kappríðing á Ólavsøku er gamal siður, kappast hevur verið í nærum 100 ár, men seinastu 50 árini hevur kappríðingin verið við Marknagil.
Soleiðis er eisini í dag, ólavsøkudag kl 14 byrjar kappríðing har 26 ross luttaka. Kappast verður í 6 greinum. Skeið, Tølt, Trav, Tvíspor ung, Tvíspor ll flokkr og Tvíspor l flokkur.
Skeið og tølt eru greinar har rossini ríða hvør sær 100 mtr. Tann sum so hevur bestu tíð er vinnari. Trav, Tvíspor ung og Tvíspor ll flokkur verður riðið í riðlum á 250 mtr, har 2 ella 3 ross eru í hvørjum riðli. Tann sum so hevur bestu tíð vinnir. Sama er galdandi fyri Tvíspor l flokk, men har verður riðið 500 mtr.
Nógv fólk hava sum fastan sið at leita sær niðan í Marknagil ólavsøkudag.
Paringar og kunning um ross sæst á leinkju her
http://kappingar.ross.fo/PublicResults.aspx?tID=967c091f-e8a8-4d5f-8086-e5175d0300c3
Um tú veitst okkurt, sum VP ikki veit - skriva so til vp@vp.fo
