Tveir tilburðir av nýggja og illa smittandi korona frábrigdinum Omikron er í dag funnið hjá tveimum ferðafólkum sum eru komin til Danmarkar úr Suðurafrika.
Danska Heilsumálaráðið sigur í tíðindaskrivi í kvøld, at tað er ikki endaliga váttað, at talan er um Omikron, men sannlíkindini eru stór, og tí eru tey smittaðu eins og øll sum hava verið í samband við tey koyrd í sóttarhald.
Omikron varð fyrst funnið í Suðurafrika, men er seinastu dagarnar eisini funnið í fleiri londum í Europa. Frábrigdið smittar sera illa, og koppingarevni sum vit í dag hava tøkt bítur ikki á tí.
Um tú veitst okkurt, sum VP ikki veit - skriva so til vp@vp.fo