Sølan í endurnýtsluhandlinum hjá Reyða Krossi í Stiðjagøtu í Havn setti met í fjør.
Samlaða sølan var 1.239.334 krónur. Tað skal samanberast við 866.000 krónur í 2020.
Handilin var einans opin í 43 dagar, sostatt var miðalsølan 28.821 krónur hvønn søludag, og tað eru tey hjá Reyða Krossi stak væl nøgd við, kann millum annað lesast í nýggju ársfrágreiðingini hjá hjálparfelagsskapinum.
Eisini í Vági er ein endurnýtsluhandil, og eisini har vaks sølan nógv í fjør, verður sagt.
Um tú veitst okkurt, sum VP ikki veit - skriva so til vp@vp.fo