Útgevarin av blaðnum Ó, Hanus Samró, heldur at løgi er, at einasta ungdómsblað í landinum, ikki skal sleppa framat sendingini hjá KVF, Pressan.
- Ó -blaðið er einasta ungdómsblað í Føroyum. Null stuðul. Eingir almennir pengar. Men tað er opinbart ikki viðkomandi fyri Kringvarp Føroya ella pressuna, Øssur Winthereig. Hetta er harmiligt, skrivar Hanus Samró á Facebook.
- Eg siti eftir við einari serstakliga keðiligari og tómari kenslu, tí hví ikki heldur brúka tíð uppá tey, sum veruliga royna at gera nakað fyri tey ungu?
- Vit hava givið 8 bløð út, meðan tað 9. er á veg. Og tí siti eg eisini við einari tómari kenslu nú, tá eg hoyrdi sendingina hjá Øssuri Winthereig. Hon gav lurtaranum eina fatan av, at einki hendir.
- Hví ikki heldur brúka tíð uppá tey, ið veruliga royna at gera nakað fyri tey ungu? skrivar Hanus Samró á Facebook.
Um tú veitst okkurt, sum VP ikki veit - skriva so til vp@vp.fo
