Innlendis ítróttur
KÍ: Páll Andrasson Klettskarð hevur gjørt nýggja avtalu við KÍ, sum bindur toppskjúttan til og við 2024.
Páll var valdur besti spælari í deildini fyri apríl mánað og er einsamallur toppskjútti í Betri Deildini við 9 málum.
Skjótt 32 ára gamli klaksvíkingurin er søguligur áleypari í KÍ. Ongin hevur skorað fleiri mál í kongabláa búnanum.
Á toppskjúttalistanum fyri bestu deildina sum heild hevur Páll júst sett seg á 2. plássið.
Um tú veitst okkurt, sum VP ikki veit - skriva so til vp@vp.fo
