Tann 1. oktober verður stjóraskifti í Pf Bilasøluni.
Hendrik Egholm hevur verið stjóri í Pf Bilasøluni, men frá 1. oktober í ár verður Hans Jákup Langgaard nýggjur stjóri.
- Tað fyrstu tíðina vera vit báðir stjórar til Hans Jákup hevur sett seg inn í alt, sigur Hendrik Egholm í stuttari viðmerking við VP.
Fyri einum ári síðani keyptu Hendrik Egholm og Christian Nagata partapeningin í PF Bilasøluni frá Gunnari Justinussen og Rúna Lindberg.
Nú hevur Hans Jákup Langgaard eisini keypt part í Pf Bilasøluni.
Um tú veitst okkurt, sum VP ikki veit - skriva so til vp@vp.fo