Eitt ferðsluátak hjá politinum síðstu nátt avdúkaði ein bilførara sum koyrdi við kenning.
- Vit gera eitt ferðsluátak í hesum døgum, har hugt verður eftir standi á bili og bilførara, sigur vakthavandi á politistøðini við VP.
Annars var síðsta nátt sum heild friðarlig.
Nógv fólk var í býnum, men hýrurin var samanum tikið góður og fólk samdust væl. Í einum ella tveimum førum var onkur smávegis ósemja, sum tó ikki bleiv til nakað mál. Og í einum føri var okkurt í onkrum húsum, sum kundi enda við húsaófriði, men sum kortini hasaði av áðrenn tað endaði so galið.
Um tú veitst okkurt, sum VP ikki veit - skriva so til vp@vp.fo