Onkur læt skot av ímóti eini dronu sum fleyg uppi yvir grindini í Hvannasundi í gjár.
Úr Hvannasundi frættist, at minst tvær dronur flugu uppiyvir grindini, og tað fór skjótt at ganga sum leysatíðindi, at hetta vóru mótmælisfólk ið tóku myndir og kanska sendu livandi myndir frá rakstrinum og drápinum.
Onkur læt skot av ímóti dronunum, og nú hevur eigaramaðurin biðið politiið um hjálp.
Frá politinum frættist, at málið verður kannað. Eitt nú verður kannað, um viðkomandi hevði loyvi til at flúgva við dronu.
Um tú veitst okkurt, sum VP ikki veit - skriva so til vp@vp.fo